ನನಗೆ ತೋಚಿದ ಸಾಲುಗಳು

ನೆನಪುಗಳ ನೆನಪಿಸುವ ಮಂದಗಮನೆಯು ನೀ
ಮರೆಯದೇ ಮರುಗುತಿಹ ಮನಸಿಗೆ ಚೇತನವು ನೀ
ಎದೆಯ ಆಳದಿ ತುಂಬಿ ಚಿಮ್ಮುತಿಹ ಚಿಲುಮೆಯು ನೀ
ಮನದಂಗಳದಿ ಬಿಡಿಸಿ ಬರೆದಿಟ್ಟ ಚಿತ್ತಾರವೇ ನೀ||

ನೀನಾರೇ ಮನಸ ಕದ್ದ ಚೋರಿ
ಚುಚ್ಚಿದೆ ನೀನೇಕೆ ಎದೆಗೆ ಚೂರಿ||೧||

ಅಂದು ನೀಡುತಿದ್ದೆ ನಿನ್ನ ನೆನೆವ ಮನಕೆ ಸಾಂತ್ವನ
ಇಂದು ನಿನ್ನ ನೋಡಲು ಪಡೆಯಬೇಕಾ ಆಮಂತ್ರಣ
ಬಾಳದಾರಿಯಲ್ಲಿ ಕಟ್ಟಿದೆ ಕನಸಿನ ತೋರಣ
ನೀ ದೂರಾಗಲು ಬಾಳಾಯ್ತು ಕತ್ತಲೆಯ ದಟ್ಟ ಕಾನನ||

ನೀನಾರೆ ಪ್ರೀತಿಯ ಹೊಂಬಾಳೆ
ಆಯ್ತಲ್ಲೆ ನಾಷ ನನ್ನಿಡಿ ಬಾಳೆ||೨||

ಕನಸಲಿ ನೆನಪುಗಳಲಿ ನೀನು ನನ್ನನೇಕೆ ಕರೆವೆ
ಮನಸಲ್ಲಿ ವಿರಹತುಂಬಿದೆ ಈಗೇಕೆ ದೂರ ಸರಿವೆ
ದಿನವೆಲ್ಲ ನಿನ್ನ ನೆನಪಲ್ಲೆ ಚಿನ್ನ
ಕರೆದಾಗ ನಿನ್ನ ಬಾಇಲ್ಲಿ ರನ್ನ ||

ನೀನಾರೆ ಮನವ ಕಾಡುವ ಕಾಂತೆ
ನಿನ್ನ ಮನದಾಗೆ ನೆನೆಯಲೇನೊ ಬ್ರಾಂತಿ||೩||