ಮಿಂಚಿ ಮರೆಯಾಗುವ ಚೆಲುವೆ ನಿನ್ನ
ಅಂಚೆ ವಿಳಾಸವನಾದರೂ ತಿಳಿಸೆ
ಮುಂಚಿನಿಂದಲೂ ಹೇಳ ಬಯಸಿಹೆ
ಕೊಂಚ ಕಡಿಮೆ ಧೈರ್ಯ ನನಗೆ
ಹೃದಯ ವೀಣೆಯೊಳು
ಮೌನರಾಗ ಮೀಟಿದೆ
ಇಂಪಾದ ರಾಗಕ್ಕೆ
ತಂಪಾಗಿ ಒಮ್ಮೆ ಬಾರೆ
ಸೊಂಪಾದ ಕಂಠದಿಂದ
ಮಂಪರು ಬರಿಸಿದ
ಕಂಪನು ಸೂಸುತ ಪ್ರೇಮದಿ
ಚಂಪಾ ನೀ ಬಾರೆ
ನನ್ನಾ ಕವನಕೆ ಪಲ್ಲವಿಯಾದಂತೆ
ಚರಣಕೊಂದು ಪ್ರೀತಿ ಭಾವ ನೀಡೆ
ತಾಳ ತಪ್ಪುವುದರೊಳಗೆ ನನ್ನ ತಪ್ಪ ತಿಳಿಸೆ
ಹಾಳು ಮನಸಿನ ಪ್ರೇಮದಾಸೆಯ ಉಳಿಸೆ
ಹಾಳು ಮನಸ್ಸಲ್ಲ..ಮುಗ್ದ ಮನಸ್ಸು...
ReplyDeleteಚೆನ್ನಾಗಿದೆ......ಮಿಂಚಿ ಮರೆಯಾದ ನಿಮ್ಮ ಚೆಲುವೆಗೆ ಈ ಕವನ ತಲುಪಲಿ..