ಶ್ವೇತ ವಸ್ತ್ರವ ಹೊದೆಸಿರಲು
ನಾಸಿಕದೊಳು ಹತ್ತಿ ಇಟ್ಟಿರಲು
ಕರೆವರು ಅದನ್ನು ಹೆಣವೆಂದು
ಎದುರಲಿ ಮಡಿಕೆಯೊಳು ಕೆಂಡ ತುಂಬಿರಲು
ಬಿದಿರ ರಥದೊಳು ಹಾಯಾಗಿ ಮಲಗಿರಲು
ಕರೆವರು ಅದನ್ನು ಹೆಣವೆಂದು
ಅಕ್ಕಿಯ ಕಾಳು ಬಾಯೊಳು ಇರಲು
ಹೆಕ್ಕಲು ಚಿಲ್ಲರೆ ಬದಿಯಲಿ ಚೆಲ್ಲಿರಲು
ಕರೆವರು ಅದನ್ನು ಹೆಣವೆಂದು
ಬೆರಳನು ಜೋಡಿಸಿ ದಾರವ ಕಟ್ಟಿರಲು
ಸಂಬಂಧಿಗಳು ಅಳುತ ಕುಳಿತಿರಲು
ಕರೆವರು ಅದನ್ನು ಹೆಣವೆಂದು
ಸುಡಲೆಂದು ಅಗ್ನಿದೇವನು ಕಾದಿರಲು
ಗಂಗೆಯು ಶುದ್ಥವ ಮಾಡಿರಲು
ಭಸ್ಮವಾಗುತಿರುವ ಅದನ್ನು ಹೆಣವೆನ್ನುವರು
No comments:
Post a Comment