ದಾರಿಯಲ್ಲಿ ಕಂಡಿತು ತಳ್ಳುವ ಗಾಡಿ
ಅದು ಮಾಡಿತು ಏನೋಮೋಡಿ
ನೀರೂರಿತು ಅದನ್ನ ನೋಡಿ
ಯಾಕಂದರೆ ಅದು ಪಾನಿಪುರಿಯಂಗಡಿ
ಬಳಿಗೆ ಹೋಗಿ ನಿಂತೆ ನಾನು
ಏಷ್ಟು ಬೇಕೆಂದು ಕೇಳಿದ ಅವನು
ಮಾಡಲು ಹೇಳಿದೆ ಬಟ್ಟಲು ಎರಡುನ್ನು
ತಯಾರಿಸಿದ ಬಿಸಿಬಿಸಿಯಾಗಿ ಅವನು
ನೋಡುವಾಗಲೆ ಬಾಯಲ್ಲಿ ಬಂತು ನೀರು
ತಿಂದಾಗ ಕಣ್ಣಲ್ಲೂ ಬಂತು ನೀರು
ಆಗಿತ್ತು ಅದು ತುಂಬಾ ಖಾರ
ಮಾಡಿತು ಅದು ನನ್ನೊಂದಿಗೆ ಸಮರ
ಸಹಿಸಲಾಗದೆ ಸ್ವಲ್ಪ ಸಿಹಿಯ ಹಾಕಿಸಿಕೊಂಡೆ
ಸಿಹಿಯಾದ ಪಾನಿಪುರಿ ಬಾಯೊಳು ನಗುವುದಕಂಡೆ
ಎರಡು ಬಟ್ಟಲ ಗಬಗಬನೆ ತಿಂದೆ
ಅವನಲ್ಲಿ ಮತ್ತೊಂದು ಬೇಕು ಎಂದೆ
ನನ್ನಲಿ ಹಣದ ಕೊರತೆ ಅಂದು ಇತ್ತು
ಹಿಂತಿರುಗಿ ಬಂದೆ ಆತನಿಗೆ ಇಪ್ಪತ್ತು ರೂಪಾಯಿಯಿತ್ತು
ನೆನಪಾಗುತ್ತಲೇ ಇತ್ತು ಪಾನಿಪುರಿ ಗಮ್ಮತ್ತು
ಇಂದು ಏರಿತು ಅದರ ನೆನಪಿನ ಮತ್ತು
No comments:
Post a Comment