ನಿನಗಂದು ಮರುಳಾದೆನು

ಜುಮು ಜುಮು ಚಳಿಯಲಿ
ಬಿಸಿ ಬಿಸಿ ಬಯಕೆಯಲಿ
ಹಸಿ ಹಸಿ ಕನಸುಗಳಲಿ
ಮಾಸಿ ಹೋಗದ ನಿನ್ನ ನೆನಪಲಿ
ಬರೆಯುತಿರುವೀ ಕವೆತೆಯಲಿ

ಮುಂದೆ ಬಾಗುತ ಅತ್ತಿತ್ತ ಹಾರುತ
ಆಗಾಗ ನಾಚುತ ಪುನಃ ಪುನಃ ನೋಡುತ
ಬಂದು ಬಂದು ಮುತ್ತನು ಕೊಡುತಿಹ
ನಿನ್ನ ಮುಂಗುರುಳಾಂದಕೆ ನಾ
ನಿನಗಂದು ಮರುಳಾದೆನು

ಚಿಲಿಪಿಲಿ ಕಲರವದ ನಡುವಲಿ
ಬೆಚ್ಚನೆಯ ಬಿಸಿಯುಸಿರ ಜೊತೆಯಲಿ
ಮನದಿಚ್ಚೆಯಂತೆ ನೀ ಹಾಡುತಿರುವ
ಮೌನರಾಗವನು ಕೇಳುತಲಿ ನಾನು
ನಿನಗಂದು ಮರುಳಾದೆನು

ಬೆಳ್ಳಂಬೆಳಗ್ಗೆ ಬಾನಂಚಲ್ಲಿ
ಮುಗಿಲ ಸಾಲನು ಸೀಳಿ ಬರುತಿಹ
ಸೂರ್ಯರಷ್ಮಿಯ ಬೆಳಕಂತಾ
ನಿನ್ನ ನಗುವ ಕಂಡು ನಾನು
ನಿನಗಂದು ಮರುಳಾದೆನು

ಲತೆಗಳೆಲ್ಲ ಗಾಳಿಗಲುಗಾಡಿದಂತೆ
ನಿನ್ನ ನಡಿಗೆಯ ಕಂಡೆ ನಾನು
ಮುಂಗಾರಲ್ಲಿ ಕಾರ್ಮೋಡ ಕವಿದಾಗ
ಸುರಿವ ಮಳೆಯಂದೆ ಸುರಿಸು ನೀ
ನನಗಿಂದು ಪ್ರೇಮಾಮೃತವನು